Շնորհավոր Ամանոր և Սուրբ Ծնունդ...

Շնորհավորում եմ  բոլորիս Նոր տարին....
Երջանիկ տարի եմ մաղթում բոլորիս:Ինչպես Մեծարենցն է ասել.<<Անձնական երջանկության հնարավորություն եմ մաղթում բոլորիս>>:
2013-ին ցանկանում եմ յուրաքանչյուրիս 3 կարևոր բան` առողջություն,սեր և գումար:Թող 2013-ը  միայն ձեռքբերումների,ժպիտների,երջանիկ պահերի ու այլ շատ հաճելի իրադարձությունների  տարի լինի:Հուսանք,որ 2013-ը կլինի հուսո,սիրո և ամենակարևորն է` խաղաղության տարի:Շնորհավորում եմ  ոչ միայն հարազատներիս,ընկերներիս ,այլև սահմանում ծառայող մեր զինվոր եղբայրների Ամանորն ու Սուրբ Ծնունդը:Եկեք չմոռանանք,որ եթե նրանք սահմանը չպաշտպանեն,մենք էլ չենք կարող Ամանորն ուրախ դիմավորել տանը:Եվս մեկ անգամ մաղթում եմ,որ այս տարին յուրաքանչյուրիս համար լինի բարեկեցիկ, երջանիկ, ուրախ,հաջողություններով լի և առողջ տարի:
        Հիշենք մի հրաշալի բանաստեղծություն....

                                            Նամակ Ձմեռ պապին

Ձմեռ պապի, այս Նոր տարում այնպես արա,
Որ աշխարհը գոնե մի քիչ բարիանա,
Ամեն մեկին մի քիչ-մի քիչ մի բան արա,
Որ քեզանից ոչ ոք փոքր-ինչ չնեղանա:

Հարուստներին միայն հեռվից ձեռքով արա,
Աղքատների համար թող ձմեռն ամառնանա,
Իմ գործը չի, ոնց ուզում ես, այնպես արա,
Որ փոքրերի համար էլ առատ ձյուն տեղա:

Դժգոհելու շատ առիթներ՝ դժգոհներին,
Մտքի փոքր-ինչ պայծառացում՝ շատ գոհերին,
Առատ ու խիտ, առողջ մազեր՝ ճաղատներին,
Ամաչեցրու շռայլությամբ՝ ժլատներին:

Ձմեռ պապի, կույրերին բեր տեսողություն,
Խուլերին էլ, լավ կլիներ, լսողություն,
Բոլոր-բոլոր հիվանդներին՝ ապաքինում,
Այդքան էլ ճիշտ, քեզ լավ նայիր, առողջություն:

Թող այս տարի սիրահարներն ամուսնանան,
Նորապսակ զույգերն էլ թող երեքանան,
Մանկան ճիչով, անհոգությամբ թող լիանան,
Մյուսներն էլ՝ չնախանձեն, այլ հիանան:

Զինվորներին՝ ուժ ու կորով, արիություն,
Որ պահպանեն սահմանները հայրենիքի,
Մայրերին էլ, շուտով կգան, համբերություն,
Աշխարհին էլ թող որ լինի խաղաղություն…

Այս տարվա համար այսքանն արա, եկող տարի
Քեզ կսպասենք նոր ցուցակով մեր իղձերի: